ആലപ്പുഴയില് നവകേരള സദസ്സിനിടെ എ ഡി തോമസിനെ ഉള്പ്പെടെയുള്ള യൂത്ത് കോണ്ഗ്രസ് നേതാക്കളെ അന്നത്തെ മുഖ്യമന്ത്രിയുടെ ഗണ്മാന് മര്ദിച്ച സംഭവത്തില് പ്രത്യേക അന്വേഷണസംഘം റിപ്പോര്ട്ട് നല്കി. ആലപ്പുഴ മജിസ്ട്രേറ്റിലാണ് റിപ്പോര്ട്ട് സമര്പ്പിച്ചിരിക്കുന്നത്. ഗണ്മാന്മാരായ അനില്കുമാറും സന്ദീപും പ്രതികളെന്നാണ് റിപ്പോര്ട്ടില് പരാമര്ശിച്ചിരിക്കുന്നത്. ഇവര് ഉള്പ്പെടെ അഞ്ച് പൊലീസുകാര് കേസില് പ്രതികളാണ്. അനില് കുമാര്, സന്ദീപ്, വിപിന്, ഷൈജു, അരുണ് എന്നിവരാണ് കേസിലെ പ്രതികളെന്നാണ് റിപ്പോര്ട്ടിലുള്ളത്.
പ്രതികള്ക്കെതിരെ വകുപ്പുകള് ചുമത്താതെയാണ് റിപ്പോര്ട്ട് നല്കിയിരിക്കുന്നത്. ഇവര് ഗുരുതരമായ ചട്ടലംഘനം നടത്തിയെന്ന് എസ്ഐടി റിപ്പോര്ട്ട് പറയുന്നു. ഇവര്ക്കെതിരെ വകുപ്പുതല നടപടിയുണ്ടാകും. പുറത്തുവന്ന മര്ദന ദൃശ്യങ്ങള് കൂടി പരിഗണിച്ചുകൊണ്ടാണ് എസ്ഐടി റിപ്പോര്ട്ട് തയ്യാറാക്കിയിരിക്കുന്നത്. അഞ്ച് പേര്ക്കെതിരേയും വകുപ്പ് തല നടപടിക്ക് എസ്ഐടി ശിപാര്ശ ചെയ്തേക്കും. ഇന്ന് തന്നെ ശിപാര്ശ ഡിജിപിക്ക് കൈമാറും.